شعر عربى

كتاب الأعمال الشعرية الكاملة – أحمد فؤاد نجم

 كتاب الأعمال الشعرية الكاملة – أحمد فؤاد نجم 

مرجعيّة للشعر العامّي المصري !
“ممنوع من السفر
ممنوع من الغنى
ممنوع من الاشتياق
ممنوع من الاستياء
وكل يوم في حبك تزيد الممنوعات
وكل يوم بحبك اكتر من الي فات
حبيبتي يا مدينة
متزوّقة وحزينة
مخبر في كل عقدة
عسكر في كل مينا
يمنعني لو اغير
عليكي
او اطير
اليكي
واستجير
في حضنك
او انام
في حجرك الوسيع
وقلبك الربيع
اعود كما الرضيع
في حرقة الفطام”

“ممنوع من اني أصبح
في عشقك
او أبات
ممنوع من المناقشة
ممنوع من السكات”

من الكتاب

يابهية وخبرينا
على اللى جتل ياسين
فى الصحرا وفى المدينة
اليوم دا ومن سنين
ناس تمشى
وناس تجينا
واحنا متبعترين
ولا صارى ع السفينة
ولا مربط للهجين
والدنيا بتجرى بينا
واحنا متوخرين
يابهية ولململينا
نطرح مليون ياسين
**********************************
اصحى يامصر
اصحى يامصر
هزى هلالك
هاتى النصر
كونى يامصر
وعيشى يامصر
مدى ايديكى وطولى العصر
اصحى وكونى وعيشى يامصر
*******************************
يامه مويل الهوى
يامه مويليا
طعن الخناجر
ولا حكم الخسيس فيا
الصبر حلم العواجز
يطرح زهور الامانى
والقهر عدى الحواجز
وانا اللى واقف مكانى
شايف غيطان البشاير
خايف وكانن ايديا
حتى الحمام اللى طاير
مارضيش يرفرف عليا
يامه مويل الهوى
يامه مويليا
طعن الخناجر
ولا حكم الخسيس فيا

 كتاب الأعمال الشعرية الكاملة - أحمد فؤاد نجم

تحميل: من هنا

قراءة مباشرة: من هنا

المناقشة أو طلب رواية: من هنا

للإبلاغ عن رابط لا يعمل: من هنا

Save

زر الذهاب إلى الأعلى