تحميل رواية الضحية رقم صفر pdf – عبد الفتاح عبد العزيز

مايو 12, 2025

تحميل رواية الضحية رقم صفر pdf – عبد الفتاح عبد العزيز مجانا من موقع ساحر الكتب

تحميل رواية الضحية رقم صفر pdf – عبد الفتاح عبد العزيز سكن كل الألم فلم أك أشعر بجسدي…
سكتت كل الأصوات فلا أسمع حتى صوت شهيقي…
حتى عيناي لم يتراءى لهما سوى سوادٍ مطبق..
وما هي إلا ثوانٍ حتى تبادر إلى رأسي هدير مئات الأصوات المتداخلة من حولي، وكأنني أسمع كل ما يُقال في حيِّنا بأكمله، أطفال ونساء وشيوخ ورجال، وكأنهم حولي بغرفتي، كل قطة تموء، كل صرير بابٍ يتحرك، كل مذياع داخل سيارة، ثم برز من بين تلك الأصوات صوتاً فظهر فريداً مميزاً وكأنه يواري باقي الأصوات وهو يقول…

القصة:
بندأ مع المسعف اللي اسمه إيهاب وبنعرف انه قرفان من حياته بسبب وظيفته اللي مبيشوفش فيها غير الموت والدم، لحد ما يجي في يوم وشوف واحد ميت في حادثة.. هتقولي ان دة عادي بحكم شغله، لكن اقولك انا بقا ان اللي مش عادي ان الميت دة كان لابس سلسلة دهب وفيها دلاية باين عليها انها غالية اوي اوي، فالشيطان بيلعب في دماغ عم إيهاب ويدفعه انه يسرق السلسلة دي اللي اكيد هتوفرله فلوس وحياة كريمة تخليه يستغني عن شغله المهبب دة، وهنا بتبدأ الرواية لان طبعا السلسلة مكنتش بالوداعة اللي متخيلنها

ملحوظات
١- اهم عناصر قوة الرواية دي هي التوازن، مفيش حدث جيه بسرعة او ببطء، بالعكس كل حاجة خدت مساحتها من غير اطالة او كروتة، يعني مثلا رسم الشخصيات كان كويس اول، كل شخصية تقريبا عرفنا عنها كل حاجة، والشخصيات الثانوية عرفنا عنها اللي محتاجينه وخلاض

٢-وصف المشاعر كان مظبوط، يعني مكنتش الرواية رزع احداث ورا بعض ولا عبارة عن حكم واستعراض للاسلوب، بل كل حاجة كانت واخدة حقها

رواية الضحية رقم صفر – عبد الفتاح عبد العزيز

٣- تاريخ القلادة كان بالنسبة لي واحد من افضل تواريخ الاغراض الملعونة اللي قرأتها من فترة طويلة، لدرجة اني اقتنعت وصدقت ان القلادة دي ممكن تبقا موجودة في ارض الواقع، الكاتب كان ممكن يختار تاريخ حاجة بسيطة كدة، لكنه مسترخسش وكتب حبحة مقنعة جدا

٤- الاسلوب والقصة مميزين، خلوني انشد في الاحداث ومسيبش الرواية، وعلى فكرة انا بقالي فترة بزهق من نص الروايات واركنها، لكن العمل دة نجح انه يشدني

٥- الرواية دي حسستني انها ٣ روايات قصيرة في بعض، جزء البداية، ثم جزء المستشفى، ثم جزء سينا، المزعج هنا ان الربط بين ال٣ اجزاء كان صغير خالص، يعني مثلا الشخصيات اللي ظهرت في جزء مظهرتش في التاني، رغم ان ناس منها كان مهم اوي وليها دور محوري زي العالمة مثلا. الرواية كانت محتاجة ربط في الشخصيات اكتر من كدة

٦- كان في كام مشهد تم بناءه عالصدفة اوي، زي مثلا لما تم قتل ال٤ اشخاص، هوب البوليس طب في ساعتها! هم جيهم منين او عرفوا ازاي ان في جريمة حصلت هنا.. ومشاهد من النوعية دي

٧- شخصية البنت اللي بيحبها البطل محستش ليها دور اوي، يعني لو كان تم استبدالها باخته مثلا، كانت الدنيا مشيت عادي، حيتها انها مقحمة عالاحداث لاضافة العامل النسائي او قصة حب مش اكتر

٨- عجبني ان البطل لما دخل المستشفى، لقى ان هناك خطر برضة من نوع خاص، يعني مش شرط البطل يبقا هو الوحيد اللي معاه حوار والليلة قايمة عليه، بل ممكن يبقا فيه زيه كتير، بس من غير ما نعرف

الخلاصة إن
الرواية حلوة جدا، عامل التشويق والإثارة فيه عالي جدا جدا.. مش هتحس بأي ملل فيها، واكيد هقرأ للكاتب تاني في اقرب فرصه

استمتع بهذا العمل المتميز وكل جديد مع ساحر الكتب مسرح الحصريات

متنسوش تنضموا لينا فى جروب ساحر الكتب

للحصول على أحدث الكتب والروايات الحصرية أنصحكم بالإشتراك فى جروب ساحر الكتب

أقرأ أيضا لنفس الكاتب :

1 – رواية آربوس أرض الوافدين : من هنا

2 – رواية بنسيون بنت الهوى : من هنا

3 – رواية آربوس 2 بقعة الحوريات : من هنا

4 – رواية آربوس 3 صراع الممالك : من هنا

5 – رواية الضحية رقم صفر : من هنا