تحميل رواية لم يتبق غيرها pdf – رايلي ساجر

أكتوبر 18, 2025

تحميل رواية لم يتبق غيرها pdf – رايلي ساجر مجانا من موقع ساحر الكتب

تحميل رواية لم يتبق غيرها pdf – رايلي ساجر ينسج ساجر حبكة مذهلة مليئة بالانعطافات المفاجئة… عشاق دافني دو مورييه سيجدون في هذا العمل إثارة لا تُقاوم» – ببليشرز ويكلي
«إذا كنت تبحث عن إثارة لا تتوقف، فرايلي ساجر لن يخذلك» – كنتري ليفينج
«التشويق يتصاعد حتى الجملة الأخيرة الصادمة» – أوبرا ديلي
«لهواة الرعب الذين يعشقون حبكات مليئة بالتحولات غير المتوقعة، هذا هو الكتاب المثالي» – مِنز هيلث
«سيد الإثارة الذي يجعل قلبك يخفق بجنون!» – ميستري أند ساسبنس
«سيد التشويق الذي لا يُضاهى» – يو إس إي توداي
تعريف
في ليلة دامية عام 1929، هزَّت الجريمة المروعة لقتل عائلة هوب ساحل ولاية مين.
يعتقد الجميع أن الابنة لينورا، ذات الأعوام السبعة عشر، هي الفاعلة، ولكن الشرطة لم تتمكن من إثبات ذلك قَطُّ.

رواية لم يتبق غيرها – رايلي ساجر

ايه ده بس!!!!
الرواية دي هي واخده ٥ من ٥ ونجمة من اول صفحتين وتأكد ده من بعد اول ٦٠ صفحه
هي مش بلوت تويست واحده هما ازيد من ٥
عائلة هوب المكونة من ٤ افراد وخدم كتير
الاب راجل قاسي مع بناته ، رجل اعمال مغرور قرر يبني بيت على منحدرات الجبل ويكون بيطل على المحيط عشان يظهر غناه الفاحش

وزوجته – الام التعبانة السِكيرة

والبنت الكبيرة المتسلطة والصغيرة الحالمة
وخادمين اساسين في القصة آرشي الطباخ ومدام بيكر مدبره المنزل ومديرته

٤ اشخاص في عائلة واحدة كل حد فيهم في ملكوته ولكن في ليلة شتوية في ١٩٢٩ بتحصل جريمة قتل مرعبه ومبيتفضلش منها غير (ليونورا) الاب بيلاقوه مدب..وح والام مطعونة والاخت مشنوقة والمتهم الاول والاخير هنا هو الاخت التانيه واحتمال عشيقها يكون ساعدها

بس القصه مش بالسطحية دي .. عشان كل واحد مخبي سر مرعب وكل حد من الخدم وراه قصه ورغم كل ده مبيتهمش غير ليونورا هوب ومبتتحاكمش (لاختفاء سلاح الجريمة) اللي بالمناسبه في اول صفحتين هي بتعترف انها رميته في الماية ..
وبعد اكتر من ٥٠ سنه بتحضر كيت (مسئولة رعاية المسننين) عشان تراعي ليونورا العجوز المشلوله واللي مبتقدرش تحرك غير بس ايدها الشمال ورغم رعب كيت منها وانها قاتله بس بتبدأ ليونورا معاها اول يوم بـ(انا عايزه احكيلك كل حاجه .. السر اللي شيلته جوايا من ساعه اللي حصل .. واخر حاجه فاكراها بعد ما انتهى كل شيء ) وبتدأ تحكي القصة عشان تاخد كل صدمه والتانيه ومتعرفش تسيب الكتاب من ايدك