تحميل كتاب رمسيس الثاني pdf – محمد محي

أغسطس 2, 2023

تحميل كتاب رمسيس الثاني pdf – محمد محي مجانا من موقع ساحر الكتب

تحميل كتاب رمسيس الثاني pdf – محمد محي في هذا الكتاب نخوض رحلة خاصة جدًا لتتبع تاريخ رمسيس الثاني منذ بزوغ نجم عائلته بمحافظة الشرقية، مرورًا بطفولته وشبابه وتوليه عرش مصر، لنعرف أحوال 67 عامًا حكم مصر خلالها. لن تتوقف رحلتنا بوفاة رمسيس الثاني، الذي خاض بجسده رحلة أكثر تشويقًا عبر الزمان، داخل وخارج أرض مصر، وحتى العام 2021 ، كتاب رمسيس الثاني القصة الكاملة ثري به الكثير من المعلومات المهمة عن رمسيس الثاني، يبدأ الكاتب مع جده رمسيس الأول ثم ابنه سيتي ثم رمسيس الثاني يشاركنا طفولته وشبابه وفترة حكمه لمصر، تفاصيل معركة قادش، زوجاته وابناءه، والكثير.

من هو رمسيس الثاني، ولماذا يقترن اسمه دومًا بقصة فرعون موسى عند الكثيرين؟

لماذا يطارد اليهود رمسيس الثاني؟ وما قصة الطبيب الفرنسي الذي يزعم البعض أنه أسلم بسبب مومياء رمسيس؟

متى انهارت الإمبراطورية المصرية، وهل نجح رمسيس الثاني فى استعادتها؟

تحميل كتاب رمسيس الثاني

الكتاب باختصار مُخِل،يجمع بين كونه بحث اكاديمي محترم يتبع اسلوب البحث العلمي،وبين كونه عمل ادبي شيق ومثير،
وده حقيقي حاجة نادرة جدا،فهتلاقي نفسك بتقرأ معلومات مستقاة من مراجع علمية اكاديمية محترمة (وخلي بالك من كلمة معلومة دي لان في تخاريف كتير منتشرة علي الانترنت وكتب عجيبة قايمه علي تخيلات كاتبيها) وفي نفس الوقت مكتوبه باسلوب شيق ومثير،
فلو انت باحث او مختص في علم الآثار او التاريخ هيكون بين ايديك مرجع قيم ،ثري بترجمات النقوش المصرية القديمة من علي الآثار والمعابد مترجمه بلغه ادبية راقيه مش ترجمه ركيكة،والحقيقة ده خلي متعه القراءة مضاعفة ،ومذكور فيه المراجع الاكاديمية والمصادر وده شيء عظيم جدا لاي باحث او دارس،
لو انت قاريء هاوي ،هيكون بين ايديك كتاب ثرى وقيم ومسلي في نفس الوقت مش زي الكتب اللي اسلوبها جاف وتاخد منك وقت كتير عشان تحصل معلومة،بالعكس هتحس انك بتقرا كتاب في ادب الرحلات والرحلة مش هتكون بس مكانيه هتكون كمان زمنيه وترجع بيك اكتر من ٣٠٠٠ سنة رايح جاي ،هتلف مع رمسيس لفه كبيرة اوى مابين النوبة والصعيد والدلتا وتوصل لاسيا (ده رايح)ثم اوروبا وترجع مصر تاني(ده جاي).

كتاب رمسيس الثاني – محمد محي

اما بالنسبة بقا لترتيب الفصول فشابو للكاتب علي اخراج الكتاب بالترتيب ده ،الكاتب لانه بيشرف علي منصة من اكثر المنصات احترما وثراء بالمعلومات عن الحضارة المصرية القديمة ومن احتكاكه اليومي مع رواد مواقع التواصل الاجتماعي ودرايته بالتخاريف اللي بتوصل لحد التقديس عند شريحة كبيرة ،فهو بيبدأ الكتاب بنوع من التطهير لعقل القارىء من اي شوائب لمعلومة غلط او اي تشويه متعمد للملك العظيم ،وبعدها بتكمل معاه رحلتك مع رمسيس باستمتاع شديد وترجع من الرحلة بمشاعر مزدحمه ومختلطة هتخليك محتفظ بالكتاب في اقرب مكان عشان تراجع جزء عجبك تتذكر معلومة وكنت اتمني ان الكتاب القيم ده يكون بهارد كڤر و الصور تكون ملونة وحجمها اكبر .
بحب اشكر الكاتب بشدة علي الكتاب الرائع واني حقيقي استمتعت بالكتاب جدا سواء كقارئه هاوية او كدارسة .